Дәмге беретін бата (2)

Илләhи әмин!!!

Бисм – иллә — hир Рахмә– нир Рахим.

Мейірімді, қайырымды Алланың атымен бастаймын.

Әлхамду илләhи Раббил ғаламин.

(Барлық мақтау бүкіл әлемнің раббы, Аллаға тән)

 

  1.            Сұрасаң бата берейін,

                      Үстем болсын мерейің.

                      Ықыласпен қол жайсаң,

                     Ақ батамды берейін

  1. Мәдинада Мұхаммед,

     Түркістанда Қожа Ахмед!

     Бұ дүниеде жиғанды ет,

     Ақыретте иманды ет!

  1.      Жақсылыққа бастасын,

              Жамандыққа жазбасын!

              Нұр-Мұхаммед жәрдем ет,

              Нендей тілігіңді Алла қабыл ет.

  1. Береке дарысын басыңа,

     Дұға тисін асыңа.

     Тасың өрге домалап,

     Өсе берсін ырысың.

  1.       Әбұйір берсін қызыңа,

              Дәулет қонсын ұлыңа.

              Кеткеннің есесін бер,

              Келгеннің берекесін бер.

  1. Нар көтерген қара тас,

     Саған келіп төнбесін.

     Тәңірім берген несібең,

     Тепкілесе кетпесін.

  1.     Тең құрбыңның ішінде,

              Үстем болсын мерейін

              Үйіңе мейман келгенде,

              Ашық болсын шырайын!

  1. Қыдыр болсын жолдасың,

     Жамбыл болсын құрдасың.

     Сүрініп кеткен жеріңде,

     Жеті әулие, жеті пір,

     Кереметімен қолдасың.

  1.     Ахыретке барғанда,

              Сегіз жұмақ сарайда.

              Кәусар атты бұлақта,

              Жаның болсын жұмақта.

10.Мына берген етіңіз,

     Қабыл болсын ниетіңіз.

     Мына берген шайыңыз,

     Жақсы болсын жайыңыз

11.          Керегесі жер тіреп,

              Ұықтары көк тіріп.

              Шаңырағын шалқитып,

              Босығасын берік ет.

12. Фани бақи абройын,

     Ажырамас серік ет.

     Ынтымақ бірлік жомарттық,

     Берекесін алмасын

13.          Аман болсын үй ішің,

              Адал болсын жолдасын.

              Қосағың мен қоса  ағар,

              Қосағың жалғыз қалмасын.

14. Алла болсын панаңыз,

      Қыдыр ата қолдасын.

     Біздің берген батамыз,

     Нұх-Пайғамбар атамыз.

15.           Жердің жұзіндегі,

              Күннің көзіндегі,

              Мекке-Мәдинадағы,

              Әулиелер қолдасын.

16. О, Жаратқан! Жалғыз тілігім!

     Көп батасын қабыл ет.

     Күнәдән пәк жандардың ,

     Ақ батасын мақұл ет!

17.         Бар ойлаған арманың,

              Періште мен Алланың ,

              Құлағына шалынсын.

              Өлгенге иман, тірілерге ұзақ, бақытты өмір берсін.

              Елмізге амандық, жұртымызға тыныштық берсін!

              Бәріміз бай – қуатты болайық!

              Баршаларыңызға жаратқан ием, жар болсын!

18. Менің берген бұл батам, 

     Бұрынғы пайғамбарлардың берген батасы,

     Оның болмас қатесі.

     «Әмин» – қабыл болсын.

     Алланың рахметі жаусын,

                                Аллаhу акбар!!!

Дәмге беретін бата

Дәмге беретін бата

С этой статьей так же читают: